Урушнинг 248-куни Россия Қора денгиз флотининг Севастополдаги базасига дронлар ҳужуми ва Россия ҳукуматининг Украина портларидан хавфсиз коридор бўйлаб дон экспорт қилинадиган «дон шартномаси»дан чиқиш қарори билан эсда қолди. Россия мудофаа вазирлиги Буюк Британияни «Шимолий оқим» қувурларига диверсия уюштиришда гумонлади (Лондонда бу айблов ёлғон деб аталган). Россия Telegram-каналларида Марказий ҳарбий округ қўмондони, генерал Александр Лапиннинг тақдири фаол муҳокама қилинмоқда. Чеченистон раҳбари Рамзан Қодировнинг навбатдаги танқидларидан кейин манбалар Лапин лавозимидан озод этилгани ҳақида ёза бошлади. Meduza урушнинг 248-кунига оид асосий фотосуратларни тақдим этди.
HIMARS ёппасига ўт очувчи реактив тизимлари — энг муҳим қурол турларидан бири ва Украинадаги урушнинг ҳақиқий рамзи. Ғарбнинг айнан шу тизимлари ёрдамида Украина Қуролли кучлари можаро тўлқинини ўзгартиришга муваффақ бўлди: Россия қўшинларига орқадан берилган самарали зарбалар РФ Қуролли Кучлари таъминотини тўхтатди ва Украина армиясига Харьков вилоятидаги катта ҳудудларни қайтариб олишга ёрдам берди. Шу билан бирга, яқин вақтгача HIMARS фронтда «арвоҳ» қурол бўлиб қолаётган эди: тизимларнинг сўнгги расмлари июль ойининг бошида эълон қилинган. 29 октябрь куни HIMARS яна фотографнинг объективига тушди — бу сафар кадрлар Херсон вилоятининг шимолида, ҳозир урушнинг энг қайноқ нуқталаридан бирида олинган.Фото: EPA
HIMARS бир қатор совет ракеталарига нисбатан учта асосий афзалликларга эга: биринчидан, улар учун стандарт ракеталар GPS орқали ўзини ўзи йўналтириш тизимига эга, шу сабаб улар нишонга «рақобатчилари»га қараганда аниқроқ боради; иккинчидан, HIMARS ҳам мобилроқ, яъни ўз ўрнини тез ўзгартиради ҳам ишончли зирҳланган; учинчидан, дизайн хусусиятлари туфайли Ғарб тизимларини ўқлашга камроқ вақт кетади.Фото: EPA
The New York Times хабарига кўра, Украина Қуролли кучларидаги HIMARS тизимларининг барча афзалликлари Херсон вилоятида тўлиқ қўлланган — фронтнинг ушбу секторидаги Украина артиллерияси аниқлиги ва жанговар кучи бўйича Россияникидан устун, дейди манбалар. Фото: EPA
Донецк вилоятидаги Украина позициялари
Херсон фронтнинг ягона қайноқ нуқтаси эмас: Донецк вилоятининг Баҳмут шаҳри ҳудудида ҳам шиддатли жанглар давом этмоқда. У ерда Россия томонидан «Вагнер» ёлланма жангчилари ҳужум қилмоқда. Суратда Украина Қуролли қучларининг 53-алоҳида механизациялашган бригадаси гаубицаларидан бири душман позицияларига қарата ўқ узмоқда.Фото: Anadolu
Донецк вилоятининг фронтга яқин қишлоқларидан бирида Виктор исмли украиналик аскарни қуроли ва дам оладиган жойи.Фото: Reuters
Украина ҳарбийлари Донецк вилоятидаги фронтга яқин қишлоқда исиниш ва овқат пишириш учун ўтин ёрмоқда.Фото: Reuters
Украина Қуролли кучларининг қирувчи самолёти Баҳмут осмонида ракеталарга чап бериш учун манёвр қилмоқда.Фото: Anadolu
Пенсионер аёлнинг ўзи мўъжиза туфайли омон қолган — бомбардимон вақтида у нон олиб келиш учун квартирани тарк этганди. Дўкондан қайтган Людмила ўз квартираси ўрнида харобаларни кўрди.Фото: AFP
Ёнган мебель ва Людмиланинг яқинлари портрети — пенсионернинг квартирасида фақат шулар қолган.Фото: AFP
Украинанинг Россия армияси бир неча ой олдин чиқиб кетган ҳудудларида ҳануз босқин оқибатларини бартараф этиш жараёни давом этмоқда. 29 октябрь куни кўнгиллилар гуруҳи Чернигов вилояти Новоселовка қишлоғида йиғилиб, ҳарбий ҳаракатлар чоғида артиллерия зарбаларидан вайрон бўлган уйларни тозалашга киришди.Фото: EPA
Черниговда кўнгиллилар фаолиятини янги ташкил топган «Бо можемо» ташкилоти мувофиқлаштирмоқда. Бугунги кунда у нафақат жабрланган аҳоли яшаш манзиллари аҳолисини, балки бутун Чернигов ва Украинанинг бошқа ҳудудларида яшовчиларни ҳам бирлаштирган.Фото: EPA
Харобаларни тозалаш — «Бо можемо» фаоллари Новоселовка ва Черниговнинг бошқа аҳоли яшаш манзиллари учун кўрсатаётган ёрдамнинг бир қисми. Ташкилотнинг асосий вазифаси — бошпанасиз қолган одамларга қишда хавфсиз ва иссиқ яшаш жойлари топиб бериш.Фото: EPA
Изоҳ (0)