Футбол бўйича Ўзбекистон Кубогининг финалида «Навбаҳор» ва «Насаф» жамоалари 30 октябрь, якшанба куни ўзаро тўқнаш келди.
Бухорада ўтган финалнинг дастлабки голи 29-дақиқада қаршиликлар томонидан урилди: позицион ҳужумни Акмал Мозговой гол билан якунлади.
Бунга наманганликлар 58-дақиқада Дониёр Абдуманноповнинг голи билан жавоб қайтарди. Қолган вақтда ҳисоб ўзгармади ва қўшимча бўлимларга мурожаат қилинди.
101-дақиқада Матеус Лима қанотдан узатиб берилган тўпни боши билан дарвозага жойлаб, қаршиликларни яна олдинга олиб чиқди ва бу гол «аждарлар»га ғалаба келтирди.
Шу тариқа «Насаф» ўз тарихида учинчи марта Ўзбекистон Кубоги ғолибига айланди.
Ўзбекистон Кубоги
Финал
30 октябрь, якшанба
«Навбаҳор» — «Насаф» 1:2
Голлар: 0:1 – 29 Мозговой, 1:1 – 58 Абдуманнопов, 1:2 – 101 Лима.«Навбаҳор»: 1.Ўткир Юсупов, 4.Боян Сигер, 6.Рустам Ашурматов, 10.Жамшид Искандаров, 14.Жамшид Болтабоев, 20.Дониёр Абдуманнопов (17.Диёр Туропов, 83), 22.Игорь Голбан, 23.Йован Жокич, 24.Даврон Ҳошимов (28.Станислав Андреев, 71), 32.Зоран Марушич, 77.Асадбек Собиржонов (11.Жасур Яхшибоев, 109).
«Насаф»: 35.Абдувоҳид Неъматов, 2.Алибек Давронов, 4.Ҳусниддин Алиқулов, 5.Ғолиб Ғайбуллаев, 7.Шароф Муҳитдинов (34.Шерзод Насруллаев, 63), 8.Дилшод Saitoв (27.Зафармурод Абдираҳматов, 97), 19.Матеус Лима, 22.Акмал Мозговой, 77.Ойбек Бозоров (18.Баҳром Абдураҳимов, 63), 88.Марко Станоевич, 92.Умар Эшмуродов.
Огоҳлантиришлар: Жокич (74), Мозговой (89), Лима (102), Абдираҳматов (107).
Изоҳ (0)