Қашқадарё вилоятининг Косон туманида икки кишининг ўлими билан якунланган ЙТҲ юз берди.
Вилоят ИИБ матбуот хизматининг маълум қилишича, 16 октябрь соат тахминан 02:30 ларда ҳайдовчи Т.Б. Spark’ни А-380 Ғузор—Бухоро—Нукус-Бейнау автомобиль йўлининг Косон йўналишида бошқариб бораётиб Косон тумани, «Оброн» МФЙ ҳудудининг 78 километрига келганда йўлни иккига ажратиб турувчи бетон тўсиққа урилган.
Оқибатда ҳайдовчи Т.Б. ҳодиса жойида, унинг йўловчиси У.V. эса шифохонада вафот этган.
Ҳозирда мазкур ҳолат юзасидан Қашқадарё вилояти ИИБ ҳузуридаги Тергов бошқармаси томонидан Жиноят кодексининг 266-моддаси 3-қисми «а» банди билан жиноят иши қўзғатилган.
Мавзуга доир:
Изоҳ (0)