Саккиз вазн тоифасида собиқ жаҳон чемпиони Мэнни Пакьяо жанубий кореялик блогер Ди Кей Ё (ДК Ёо) билан кўргазмали жангда иштирок этади.
Пакьяо ва Ди Кей Ё ўртасидаги жанг 10 декабрь санасида Triller Fight Cлуб майдонида бўлиб ўтади.
43 ёшли Пакьяо 2021 йилда WBC камари учун Йорденис Угасга қарши жангда мағлуб бўлганидан сўнг фаолиятини якунлаган эди. Жорий йилнинг май ойида бўлиб ўтган президентлик сайловларида Менни учинчи ўринни эгаллади ва Филиппин Сенатидаги ўз лавозимидан айрилди.
Менни илк бор 1995 йил январь ойида Эдмунд Энтингга қарши профессионал рингда дебютини ўтказган. Ўша жангда Пакьяо ҳакамлар қарорига кўра ғалаба қозонган. Унинг ҳисобида 62 та ғалаба (39 таси нокаут), 8 та мағлубият ва 2 та дуранг мавжуд.
Изоҳ (0)