Россиялик журналист ва телебошловчи Ольга Романова Россия томонидан фуқаролари урушга жўнатилаётган МДҲ давлатларига Telegram канали орқали мурожаат йўллади.
МДҲ давлатларидан Россияга оммавий мурожаатлар юборинг. Россия Федерациясида озодликдан маҳрум қилиш жойларида жазони ўтаётган Беларусь, Ўзбекистон, Қирғизистон, Озарбайжон фуқаролари урушга олиб кетилмоқда. Беларусь фуқароси бўлган марҳум маҳбуснинг синглиси, акасининг жасадини уйда дафн этиш учун Вагнердан ололмади. Ҳеч қандай пул ёки компенсация ҳақида ҳам гап йўқ. Ўтган ҳафта Ярославл зоналарида тўрт нафар Ўзбекистон фуқароси калтакланган. Жин урсин, улар чет элликлар! Бугун тунда эса Бошқирдистонда бўлган ўзбекларнинг қариндошлари менга мурожаат қилди. Улар ҳам олиб кетилган. Ўзбекистон элчихонаси бизга «Ситтинг Рус»да ёзган, алоқада бўлиб турибмиз. Ҳой, Озарбайжон, Қирғизистон, Тожикистон элчихоналари, нима учун фуқароларингизни украиналикларни ўлдириш учун юборилгани билан қизиқмаяпсиз?Аввалроқ Россия Мудофаа вазирлиги эндиликда маҳбусларни ҳам сафарбарликка жалб этаётгани ҳақида хабар берилган эди.Ольга Романова, журналист
Изоҳ (0)