Қонунчилик палатаси депутати Расул Кушербаевнинг Telegram’даги «Кушербаевга мурожаат» каналига Tashkent Index вақтинчалик ётоқхонасидаги талабалардан мурожаат келиб тушди.
Унда билдирилишича, ётоқхонада ҳали қиш келиб улгурмасидан қатор муаммолар вужудга келган. Жумладан, бир неча кундан буён сув йўқ. Қолаверса, ҳожатхоналар шу сабабли ёпиб ташлангани учун ҳеч ким кира олмаяпти. Душда ҳам вазият шундай. Автобуслар ҳам текин бўлиши айтилганига қарамай, пулли қилиб қўйилган.
Ушбу мурожаат юзасидан расмий муносабат берилганича йўқ.
Мавзуга доир: «Тошкентда бир ҳафтада 10 минг ўринли қўшимча ётоқ жой яратилади» — Ортиқхўжаев
Аввалроқ Тошкентда вақтинчалик автобус йўналишлари ҳаракати ташкил этилгани ҳақида хабар берилган эди. Ушбу автобус йўналишлари талабаларни тўғридан-тўғри Tashkent Index талабалар ётоқхонасидан ўқув манзилларига етиб олишлари ҳамда турар жойларига қайтиб келишлари учун махсус ташкил этилган бўлиб, мазкур йўналишда хизмат кўрсатиш ҳуқуқи вақтинчалик навбатдаги тендерга қадар жамиятнинг «4-Автобус саройи» ва «12-Автобус саройи» филиалларига бириктирилган.
Изоҳ (0)