Google маълум мижозларга Google Cloud хизматлари учун криптовалюта билан тўлаш имконини беради. Бу ҳақда компаниянинг матбуот хизмати хабар бермоқда.
Компания янги хизматни ишга тушириш муддатини, шунингдек, қайси криптовалюталар қабул қилинишини аниқ келтирмади.
Криптовалюталардан фойдаланиш Google’нинг Coinbase криптовалюта хизмати билан ҳамкорлиги натижасида амалга оширилади.
Ушбу ҳамкорлик натижасида Coinbase ҳам Google Cloud хизматларининг ҳисоблаш қувватидан фойдалана олади, шунингдек, Google Cloud’да ўзининг маълумотлар марказини яратади.
Аввалроқ Google Японияда биринчи маълумотлар марказини очиши ҳақида хабар берилганди.
Изоҳ (0)