Россиянинг Курск вилоятида ўқиётган ўзбекистонлик талабалар Украинага чегарадош ҳудудларда тобора хавф ортиб бораётгани сабаб президентга мурожаат билан чиққанди. Ташқи ишлар вазирлиги расмий вакили ахборотига кўра, Ўзбекистон элчихонаси дипломатлари вазиятни ўрганиш ва мавжуд муаммоларни ҳал қилиш мақсадида Курск вилоятига жўнаб кетди.
Натижалар тўғрисида қўшимча хабар берамиз, — дейилади хабарда.
Маълумот учун, Курск тиббиёт олийгоҳи талабалари мурожаатида улар таълим олаётган тиббиёт муассасасидан 30 километр узоқликда атом электро станцияси жойлашгани билдирилган эди. Шунингдек, хавф Украина—Россия уруши сабаб янада ортаётгани айтилган. Улар давлат раҳбаридан талабаларнинг ўқишини Ўзбекистондаги ОТМларга кўчиришда ёрдам беришни сўраган.
Изоҳ (0)