«Ювентус» ярим ҳимоячиси Анхель ди Мария Чемпионлар Лигаси 3-тури доирасида «Маккаби Ҳ»га қарши кечган баҳсда (3:1) учта голли узатма муаллифига айланди.
Аргентиналик футболчи мусобақадаги ассистлари сонини 38 тага етказиб олган ҳолда, бу борада Лионель Мессини (37) ортда қолдириб иккинчи ўринга кўтарилиб олди.
Бу борада Криштиану Роналду етакчи бўлиб турибди. Португалиялик футболчи ҳисобида 42 та голли узатма бор. «Манчестер Юнайтед» форварди жорий мавсум ЕЧЛда иштирок этмаяпти.
Энг яхши ассистентлар кучли бешлигидан, шунингдек, Неймар (32) ва Райан Гиггз (31) ҳам жой олган.
Ди Мария ўз фаолияти давомида иккинчи марта Чемпионлар Лигасидаги бир ўйинда учта ассист ижро этди. Бундан аввал Анхель 2019 йил «Брюгге»га қарши баҳсда ҳам учта ассистни ўз ҳисобига ёздириб қўйган.
Изоҳ (0)