Ампутантлар ўртасидаги ЖЧ—2022. Ўзбекистон 6 та гол урилган ўйинда Италияни тор-мор этиб, ярим финалга йўл олди

Футбол бўйича Ўзбекистон ногирон-ампутантлар терма жамоаси Туркияда бўлиб ўтаётган Жаҳон Чемпионати чорак финалида Италияга қарши майдонга тушди.

Ўзбекистон вакиллари Италия устидан 4:0 ҳисобида ғалаба қозонди. Ўйиннинг 4-дақиқасида Ҳайдарали Турсунбоев ҳисобни очди. 19-дақиқада Қудрат Худойқулов жарима зарбасини голга айлантирди. 22-дақиқада Азизжон Азимов пенальтини аниқ амалга ошириб, ҳисобни йириклаштирди. 26+1-дақиқада эса Умиджон Абдуҳалимов ҳам пенальтидан унумли фойдаланди. Иккинчи бўлимда Улуғбек Тошпўлатов ҳам гол муаллифига айланди. 46-дақиқада итальянлар ҳисобни қисқартирди.

Шу тариқа, Ўзбекистон ампутантлар терма жамоаси ярим финалга йўл олди. Чорак финалдаги Марокаш – Туркия баҳси ғолиби ярим финалда Ўзбекистон билан тўқнаш келади.

Гуруҳ босқичида ўзбекистонликлар Польшани 3:1 ҳисобида, Испанияни 3:0 ҳисобида, Танзанияни эса 2:0 ҳисобида таслим этиб, плей-офф босқичига чиққан эди. Нимчорак финалда Колумбия терма жамоаси устидан 4:1 ҳисобида зафар қучган.