2022 йилда Ucell Самарқандда 5G бешинчи авлод алоқа стандартининг 20 та объектини ишга туширган

Шанхай ҳамкорлик ташкилотини ўтказишга ҳозирлик кўриш давомида, Самарқандни реконструкция қилиш дастурини амалга ошириш, янги инфраструктура объектларини қуришда Ўзбекистон ахборот технологиялари ва коммуникацияларини ривожлантириш вазирлиги салмоқли ҳисса қўшди.

Ишончли алоқа ва тезкор интернет билан таъминлаш бўйича масъулиятли вазифани, мобил операторлар, шу жумладан, «COSCOM» ОАЖ (Ucell савдо белгиси) бажарди. Бу ҳақда Ucell томонидан Самарқандда журналистлар учун ташкил қилинган пресс-тур давомида маълумот берилди.

Жумладан, Ucell Самарқанд ҳудудида 2022 йилда 325 та объект ишга туширилди, хусусан:

• 47 та 2G (овозли алоқа) форматидаги объект;
• 57 та 3G форматидаги объект;
• 201та тезкор интернетни таъминловчи LTE 4G форматидаги объект.

Таъкидлаш жоиз, 5G бешинчи авлод алоқа стандартининг 20та объекти ишга туширилган.

Асосий иш учта локация: «Самарқанд» халқаро аэропорти, Silk Road Samarkand туристик маркази ва Самарқанд вилоятининг ҳудудларида амалга оширилди.

Аэропорт ҳудудини ҳам ичкаридан, ҳам ташқаридан тўлиқ қоплашни таъминлаш учун битта ташқи таянч станция қуриш ва ичкарида бутун бир комплексни барпо этишга қарор қилинди. Ташқи таянч станция яқин-атрофдаги ҳудуд (автотураргоҳлар, киришдаги йўллар, аэропортнинг ташқи ҳудуди, шунингдек, аэропорт ортидаги заҳира ҳудуд)ни 2G/3G/4G алоқа билан таъминлайди.

Ички комплекс барча терминал қаватлари, хусусан, ертўла ҳудудини 3G/4G/5G алоқа билан таъминлайди.

Silk Road Samarkand туристик марказидаги объектларни қуриш босқичидаёқ, алоқани таъминлаш учун сув узатиш минорасида таянч станция ўрнатилди. Кейинроқ периметр бўйлаб тўртта таянч станция қурилди. Бундан ташқари, меҳмонхоналарнинг махсус ойналарини ҳисобга олган ҳолда, ҳар 9 та объектни 2G/3G/4G алоқа билан ичкаридан қоплашга қарор қилинди. Шунингдек, меҳмонхоналарда 5G алоқаси билан таъминланган VIP ҳудудлар ҳам мавжуд. Якунда жами 5 та ташқи ва 9 та бино ичкарисидаги объект қурилди.

ШҲТ арафасида 2G/3G/4G/5G алоқаси билан Silk Road Samarkand туристик маркази ҳудуди ва шаҳарни қамраб олиш режалаштирилган эди. Таянч станцияни ишга туширишда асосий ўринга эга объектлар шаҳарга ва магистрал линияларга тортиб келинди. 8 та 4G форматидаги станция модернизация қилинди ва 29 янги таянч станция фойдаланишга топширилди.

Реклама ҳуқуқи асосида.