2022 йил февралидан бери Украинада Беларусь ва Россиянинг умумий қиймати 44 миллиард гривна (тахминан 1,2 миллиард доллар) миқдоридаги активлари мамлакатда мусодара қилинган. Бу ҳақда «Коммерсантъ» хабар бермоқда.
Мусодара қилинган энг муҳим активлар қаторига қуйидагилар киради: вагонлар ва вагонлардаги инвентарлар 500 миллион доллар, молия институтларининг 350 миллион долларлик активлари, ёқилғи қуйиш шохобчалари активлари 54 миллион доллар, қиймати 35 миллион доллар бўлган бир нечта савдо марказлари ва бошқалар, — дейилади мамлакат Вазирлар Маҳкамаси сайтидаги баёнотда.
Шунингдек, Иқтисодий хавфсизлик бюроси Россия ва Беларусь билан алоқадор 23 та юридик шахслар рўйхатини тузгани, Украина уларни халқаро санкциялар рўйхатига киритишни сўрагани айтилади.
Украина ҳукумати халқаро ҳамжамиятни урушлардан кейин мамлакатни қайта тиклаш учун музлатилган Россия активларини мамлакатга топширишга чақирмоқда.
Ташаббус Европанинг бир қатор давлатлари томонидан танқид қилинмоқда: хусусан, Швейцария расмийлари бундай тартиб Ғарб хусусий мулк институти нуфузига путур етказишидан қўрқади.
Аввалроқ россиялик олигархнинг мусодара қилинган яхтаси 37,5 миллион долларга сотилгани ҳақида хабар берилганди.
Изоҳ (0)