3 октябрь куни Қирғизистон президенти Садир Жапаров тўрт вазирни лавозимларидан озод этди, деб хабар беради Tengrinews.
Тегишли фармонларни имзолаб, давлат раҳбари энергетика вазири Доскул Бекмурзаев, таълим ва фан вазири Алмазбек Бейшеналиев, маданият, ахборот, спорт ва ёшлар сиёсати вазири Азамат Жаманкулов ҳамда транспорт ва коммуникациялар вазири Эркинбек Осоевни истеъфога юборди.
13 сентябрь куни Қирғизистон бош прокуратураси Бекмурзаевга нисбатан ўз лавозимини суиистеъмол қилиш ҳолатлари бўйича иккита жиноят иши қўзғатганди. У тегишли соҳа мутахассислари бўлмаган ходимларни чет элга хизмат сафарларига юборган. Вазир суриштирув олиб борилаётган пайтда лавозимидан четлатилганди.
Бейшеналиев таълим вазири лавозимини 2022 йил 17 февралида эгаллаганди. 28 сентябрь куни у олий таълим муассасаларига ўқишга кириш масаласини ҳал қилиш учун, гўёки, 100 минг доллар пора олаётганида қўлга олинди.
Азамат Жаманкулов 2018 йил октябрида, ўша вақтдаги президенти Сўронбой Жээнбековнинг фармони маданият вазири лавозимига тайинланганди.
Осоев эса 2021 йил 10 августда вазир лавозимини эгаллаган.
Изоҳ (0)