Ўзбекистонда давлат чегарасини кесиб ўтишда транспорт ва товарлар устидан назорат кучайтирилади

Ўзбекистонда давлат чегарасини кесиб ўтишда транспорт ва товарлар устидан назорат кучайтирилади. Бу ҳақда Norma хабар берди.

Вазирлар Маҳкамасининг 30 сентябрдаги «Ўзбекистон Республикаси Вазирлар Маҳкамасининг 18.11.2019 йилдаги «Ўзбекистон Республикасининг Давлат чегараси орқали ўтказиш пунктларида чегара, божхона, санитария-карантин, фитосанитария ва ветеринария назоратини ташкил этиш тартибини янада такомиллаштириш тўғрисида»ги 912-сонли қарорига ўзгартириш ва қўшимчалар киритиш ҳақида»ги 555-сонли қарори имзоланди.

Ҳужжат билан қарорнинг айрим атамаларига аниқлик киритилиб, янги атамалар билан тўлдирилмоқда. Мисол учун «чегара кўриги» — бу ДХХнинг Чегара қўшинлари бўлинмалари томонидан транспорт воситалари ва товарларда назоратдан яширинган шахслар ёки Давлат чегараси орқали олиб ўтиш тақиқланган товарларни аниқлаш бўйича амалга ошириладиган комплекс тадбирлар мажмуи.

Шунингдек, Давлат чегарасини кесиб ўтаётган автотранспорт воситалари ва товарларни кўрикдан ўтказиш божхона органлари ва чегара хизмати вакилларидан иборат қўшма нарядлар томонидан амалга оширилади. Ҳужжат қонун ҳужжатлари маълумотлари миллий базасида эълон қилинган ва кучга кирди.

Мавзуга доир: Ўзбекистонда давлат чегарасини кесиб ўтишда транспорт ва товарлар устидан назорат кучайтирилади