Ўзбекистонда ҳафта давомида салқин об-ҳаво бўлади

Ҳафта давомида Ўзбекистон бўйлаб об-ҳавони совуқ антициклон периферияси белгилайди, деб хабар бермоқда «Ўзгидромет».

Қайд этилишича, 3 октябрь, душанба куни Ўзбекистон ҳудудининг катта қисмида қуруқ об-ҳаво бўлиши кутилмоқда, фақат марказий ва шарқий ҳудудларда фронт кириб келишида бироз беқарорлик кузатилади.

Тошкент, Жиззах, Сирдарё вилоятларида, шунингдек, республиканинг тоғолди ва тоғли ҳудудларида баъзи жойларда ёмғир ёғиши кутилмоқда. Фарғона водийси вилоятларида кечга томон бироз ёмғир ёғиши мумкин. Ҳаво ҳарорати кундузи 24-26 даражагача кўтарилади.

4 октябрдан 7 октябргача бўлган кейинги кунларда об-ҳавони антициклоннинг жануби-ғарбий периферияси белгилайди.

5 октябрда антициклон перифериясининг кучайиши ҳисобига жанубда ва чўл ҳудудларида баъзи жойларда шамол чанг-тўзонлар билан 15-18 метр/секундгача кучайиши мумкин.

Ҳаво ҳарорати кечалари 8-13 даража, кундузи 4—6 октябрда 21-26 даража, 7 октябрда 23-28 даража атрофида бўлади.