Наманган муҳандислик-қурилиш институти биноларидан бирига кичик қуёш электр станцияси ўрнатилди. Бу ҳақда «Дарё» мухбири Азизбек Абдувалиев хабар бермоқда.
Бунинг учун ички имкониятлар ҳисобидан 330 миллион сўм маблағ сарфлангани айтилмоқда.
Ушбу станция 57 та қуёш панелидан иборат бўлиб, соатига 30 киловатт электр энергияси ишлаб чиқариш қувватига эга. Бу эса институт IT-маркази жойлашган бино эҳтиёжларини тўла қоплайди.
НамМҚИ бош муҳандиси Баҳромжон Холмирзаевнинг айтишича, келгусида институтнинг бошқа бинолари ва талабалар тураржойларида ҳам шундай кичик қуёш электр станцияларини ўрнатиш режалаштирилган.
Мавзуга доир: Наманганлик талаба ўзи ўқийдиган институтга қуёш панелли ёритгичларни ўрнатди (видео)
Изоҳ (0)