Ўзбекистонда 2017–2021 йилларда 7225 нафар ҳарбий хизматчи уй-жой билан таъминланди. Бу ҳақда АОКАда Мудофаа вазирлиги раҳбарияти иштирокида ўтказилган матбуот анжуманида маълум қилинди.
Қайд этилишича, президентнинг тегишли қарорлари билан қабул қилинган тегишли дастурлари доирасида шу йиллар давомида қурилган уйлар ҳисобига 7225 нафар ҳарбий хизматчи, ҳарбий хизматдан резервга бўшатилган фуқаролар ва уларнинг оила аъзолари замонавий ва шинам турар жойлар билан таъминланди.
Таъкидланишича, 2017 йилгача бўлган давр мобайнида Мудофаа вазирлиги тизимида турар жой таъминоти кўрсаткичлари йилига 450 тадан ошмаган бўлса, юқорида қайд қилинган Давлат дастурлари асосида Тошкент шаҳри ва республика вилоятлари марказларида қурилиш амалга оширилган турар жойлар ҳисоби йилига ўртача 1500 дан ортиқ рақамларни ташкил этмоқда.
Изоҳ (0)