Президентнинг 2022 йил 2 февралдаги «Тошкент шаҳар жамоат транспорти тизимини янада ривожлантиришга доир қўшимча чора-тадбирлар тўғрисида»ги қарорига асосан пойтахтга янги автобуслар олиб келинади. Бу ҳақда «Тошшаҳартрансхизмат» АЖ ахборот хизмати бошлиғи маълумот берди.
Хусусан, «Truck and bus trade group» МЧЖ томонидан йил якунига қадар 190 дона MAN А22 CNG русумли катта сиғимли автобуслар келтирилади.
Бу русумдаги автобуслар 30 та ўтириш ва 60 туриш ўрнига мўлжалланган, кондиционерлар билан жиҳозланган, сиқилган табиий газда ишлайди ва бу тоза ҳавони асраш учун жуда муҳим. Сотиб олинган автобуслар ишлаб турган автобуслар қаторига киритилиб, ҳозир уларнинг қайси йўналишларга чиқиши кўриб чиқилмоқда. Эҳтимол, баъзи йўналишларда улар кам сиғимли Isuzu’ларнинг ўрнини эгаллайди.
Йил якунигача яна 25 та ўтириш ва 31 та туриш ўрнига эга бўлган 85 дона SAZ LE-60 ўрта сиғимли автобуслар ҳам олиб келинади. Улар 2022 йилда харид қилинган шу русумдаги 115 дона автобусларга қўшилади. Yutong русумидаги 20 дона электробусдан иборат паркка 2022 йилда янги электробуслар қўшилмайди, улар келгуси йилда олиб келинади.
Изоҳ (0)