Россияликлар томонидан Қозоғистоннинг Лондон ва Москвадаги элчихоналарига гуллар ва миннатдорчилик хатлари қолдирилиб кетилмоқда (видео)

Россияликлар Қозоғистоннинг Буюк Британия ва Россия пойтахтида жойлашган элчихоналарига гуллар ва миннатдорчилик мактубларини олиб келмоқда. Бу ҳақда Tengrinews нашри хабар бермоқда.

Қозоғистоннинг Буюк Британиядаги элчихонасида суратга олинган шу мазмундаги кадрлар ижтимоий тармоқларда тарқалмоқда.

Тасвирларда бир ҳафтадан ортиқ вақтдан бери россияликларни қабул қилиб келаётган Қозоғистонга миннатдорчилик белгиси сифатида, элчихонага гуллар, мактублар ва плакатлар қолдирилаётгани кўрсатилган.

Ташлаб кетилган плакатларда «Кöп раҳмет» , «Тҳанк ёу» сўзлари, шунингдек, ҳозирда қозоғистонликлар русларни қутқараётгани ҳақида ҳам қайд этилган.

Яна бир Twitter фойдаланувчиси Александра Астахова Москвада жойлашган бино олдида нималар бўлаётганини ўз саҳифасида эълон қилган. У гуллар сурати ва шундай деб ёзилган плакатни жойлаштирди: «Қозоғистон! Яхшилигингиз учун раҳмат! Эркакларимизга бошпана берганингиз учун раҳмат!»

https://twitter.com/AleAstakhova/status/1575147471399002114