Россия президенти Владимир Путин Ғарбни посцовет ҳудудида янги можароларни қўзғатмоқчи эканликда айлади, деб ёзади «РБК».
«Ҳозир Россия ва Украина ўртасида содир бўлаётган воқеаларга, МДҲнинг баъзи бошқа давлатлари чегараларида нималар содир бўлаётганига эътибор беришнинг ўзи кифоя. Албатта, буларнинг барчаси Совет Иттифоқининг қулаши натижасидир, буларнинг барчаси тушунарли. Аммо беқарорлик хавфи, жумладан, бутун Осиё-Тинч океани минтақасини беқарорлаштириш хавфи ҳамон ортиб бормоқда», — деди Россия раҳбари.
Путиннинг сўзларига кўра, Ғарб МДҲ маконида янги можароларни қўзғатиш сценарийлари устида ишламоқда. Шу билан бирга, у ташқи ва ички хавфсизликни МДҲ барқарор ривожланишининг энг муҳим омили деб атади.
Путин МДҲ давлатларини аниқ ва изчил ҳаракат қилишга, ўзаро ёрдамни доимий равишда кучайтиришга чақирди. «Мана шу йўл билан биз жаҳон саҳнасида ўз манфаатларимизни ҳимоя қила оламиз, ёмон ниятлиларни даф қила оламиз», — деди у.
Владимир Путин ўзининг оммавий чиқишларида Совет Иттифоқининг парчаланишига бир неча бор эслаб ўтган. 2005 йилда у СССР парчаланишини «ХХ асрнинг энг катта геосиёсий фалокати» деб атаган эди.
Мавзуга доир:
Изоҳ (2)
Putin sssr qulashi falokat bolgan deb etvotgan bosa bu putin yana sssr tiklash harakatida yurbdi shunchaki beta garbi ayblamoqda. Agar mdhda urish bolsa rossiyaga yaxwi boladi
Putin sssr qulashi falokat bolgan deb etvotgan bosa bu putin yana sssr tiklash harakatida yurbdi shunchaki beta garbi ayblamoqda. Agar mdhda urish bolsa rossiyaga yaxwi boladi