Россия Федерациясида фарзандлари билан ишсиз қолган Ўзбекистон фуқаросига ёрдам кўрсатилди. Бу ҳақда Ташқи меҳнат миграцияси агентлиги хабар қилди.
Қайд этилишича, фуқаро Ш.П. 2022 йил июль ойида Россия Федерациясига икки нафар фарзанди билан вақтинчалик меҳнат фаолиятини амалга ошириш учун борган. Аммо август ойида ишсиз қолгани сабабли мураккаб молиявий аҳволга тушиб қолган.
Шу сабабли Ш.П. Ташқи меҳнат миграцияси агентлигининг Санкт-Петербург шаҳридаги вакиллигига ватанга қайтишда амалий ёрдам сўраб мурожаат қилган.
Фуқаро Ш.П. 22 сентябрь куни Uzbekistan Airways компанияси ҳамкорлигида Санкт-Петербург–Тошкент йўналишидаги авиарейс орқали Ўзбекистонга қайтарилган.
Изоҳ (0)