Россия томонидан аннексия қилинган Қрим раҳбари Сергей Аксёновнинг айтишича, унинг ўғли сафарбарлик доирасида армияга чақирилган.
«Қонун ҳамма учун бир. Бугун менинг ўғлим ҳам чақирилди, у ҳудудий қисмдаги бўлинмага жўнаб кетди», — дея Аксеновнинг сўзларини келтиради «РИА Новости».
Аксенов ўғли билан фахрланишини таъкидлади. Унинг сўзларига кўра, ўғли юз бераётган воқеаларни четдан кузата олмаслигини, илгари армияда хизмат қилган бўлишига қарамай, ватан олдидаги қарзини тўлаши кераклигини айтган.
Аксеновнинг ўғли Олег, очиқ манбаларга кўра, 1997 йилда туғилган. 2016 йилда Аксенов ўғли армияда хизмат қилаётганини айтганди.
Мавзуга доир:
Изоҳ (0)