Россия президенти Владимир Путиннинг мобилизация тўғрисидаги фармонида ёпиқ банд бор бўлиб, унда урушга миллион кишини сафарбар қилиш ҳақида ёзилган. Бу ҳақда Meduza хабар қилмоқда.
Қайд этилишича, сафарбарлик тўғрисидаги фармоннинг еттинчи бандида бир миллионгача одам армияга чақирилиши мумкинлиги айтилган.
«Рақам бир неча марта тузатилган ва охир-оқибат миллионга етган», — дейилади хабарда.
Куни кеча кўпчилик президентнинг сафарбарлик тўғрисидаги фармонининг эълон қилинган вариантида 7-банди йўқлигига эътибор қаратди. Кейинчалик унда «расмий фойдаланиш учун маълумотлар» борлиги маълум бўлди.
Путиннинг матбуот котиби Дмитрий Песковнинг айтишича, фармоннинг бу банди «расмий фойдаланишга» мўлжалланган. Унинг мазмуни ҳақидаги ягона расмий маълумот шундан иборатки, унда армияга чақирилиши мумкин бўлган одамлар сони кўрсатилган.
Изоҳ (0)