Фавқулодда вазиятлар вазирлигининг маълум қилишича, Қамчиқ довонида йўлга тушиш хавфи бўлган харсангтошлар сунъий равишда туширилди.
Ишлар вазирликнинг «Қамчиқ» махсус қидирув, ёнғин-қутқарув бошқармаси қутқарувчилари Хавфли геологик жараёнларни кузатиш давлат хизмати ходимлари билан ҳамкорликда амалга оширилди.
Бундан куз-қиш мавсуми даврида автотранспорт воситаларининг узлуксиз ва хавф-хатарсиз ҳаракатланишини таъминлаш мақсад қилинган. А-373 Тошкент–Ўш автомобиль йўлининг Қамчиқ довони қисмида хавфсизликни таъминлаган ҳолда автомобиль ва темир йўлга хавф солувчи тоғ юқори қияликларидаги номустаҳкам, йўлга тушиш хавфи бўлган катта тош массалари тадбирлар давомида бартараф этилди.
Изоҳ (0)