Жиззахда йигит «самосуд» қилингани ҳақидаги видео бўйича расмий маълумот берилди

Ижтимоий тармоқларда «Жиззахда самосуд» номли видео тарқалди. Ҳолат юзасидан вилоят ИИБ маълумот берди.

Унда айтилишича, 10 сентябрь куни фуқаро Т.З. Шароф Рашидов тумани ички ишлар бўлимига ариза билан мурожаат қилиб, ўзига олдиндан таниш бўлган Э.О, I.Д ва Н.Ш. унинг муқаддам ижтимоий тармоқ орқали юборган расмини ўзаро муҳокама қилиш учун чақириб, турли сўзлар билан ҳақорат қилиб, уриб-тепиб, тан жароҳати етказгани ва ушбу жараённи видеотасвирга олиб, ижтимоий тармоқларга тарқатгани сабабли қонуний чора кўришни сўраган.

Мазкур ҳолат юзасидан 20 сентябрь куни Шароф Рашидов тумани ички ишлар бўлими ҳузуридаги тергов бўлими томонидан Жиноят кодексининг 277-моддаси (безорилик) 2-қисми «б, г» бандлари билан жиноят иши қўзғатилиб, дастлабки тергов ҳаракатлари олиб борилмоқда.

Мавзуга доир:

• Қорақалпоғистондаги қизлар жанжалига нима сабаб бўлгани маълум қилинди
• Наманганда спорт мураббийи шогирдини «самосуд» қилди (видео)