«Боруссия Д»нинг 19 ёшли футболчиси учун Европа грандлари кураш олиб боради

Жуд Беллингҳем 2023 йил ёзида «Боруссия Д» сафини тарк этиши мумкин.

19 ёшли ярим ҳимоячига «Ливерпуль», «Реал», «Манчестер Сити», «Манчестер Юнайтед» ва «Челси» қизиқиш билдирмоқда, дея хабар беради The Athletic.

Хавбекнинг немис клуби билан шартномаси 2025 йилга қадар мўлжалланган. «Боруссия» футболчига яхшиланган шартнома таклиф қилиш истагида.

Бироқ Беллингҳем бошқа клубга ўтишни хоҳласа, дортмундликлар футболчининг трансфери учун 150 миллион евро талаб қилади. Шу тариқа Жуд Англия футболи тарихидаги энг қиммат футболчига айланиши мумкин. Эрлинг Ҳоланддан фарқли равишда Беллингҳемнинг шартномасида товон пули белгиланмаган.

Ярим ҳимоячи 2020 йилда 25+5 миллион фунт эвазига «Бирмингем»дан «Боруссия Д» сафига бориб қўшилганди. Жорий мавсум Беллингҳем Бундеслигада 7 та ўйинда майдонга тушган.

Аввалроқ «Реал» Беллингҳемга Лука Модричнинг ўринбосари сифатида қараётгани хабар қилинганди.