Қозоғистоннинг Манғистов вилоятида тез ёрдам бригадаларининг кескин танқислиги кузатилмоқда. Оқтау, Жанаўзен шаҳарлари ва Мунайли туманидан келган ўнлаб тиббиёт ходимлари ва ҳайдовчилар ўз фаолиятини тўхтатиб, раҳбариятга қатор талаблар қўйган. Бу ҳақда Tengrinews хабар бермоқда.
Қозоғистоннинг Манғистов шаҳрида тиббиёт ходимлари бир неча кундан бери ишлашдан бош тортмоқда. Бунга асосий сабаб эса — мамлакатдаги ушбу соҳа вакилларига тўланадиган маошлар миқдори кам экани айтилмоқда.
Аввалига ходимлар учун 40 минг тенге қўшимча тўлов бекор қилинди ва бу кўплаб норозиликларга сабаб бўлди.
Иш ташловчилар 250-300 минг тенге маош сўрамоқда, ҳозирги вақтда уларнинг маоши 150-190 минг тенгени ташкил қилади.
Иш ташлаган жамоалар туфайли Манғистов шаҳрида бор- йўғи 2 та тез тиббий ёрдам машинаси хизмат кўрсатмоқда.
9-сентябр куни 40 минг тенге маош жўнатдик. 50 минг тенге ҳайдовчиларга ўз вақтида юборилди. Қолганини ҳам тўлашда давом этяпмиз. Уларнинг маоши иш вақтига боғлиқ. Ҳайдовчилар ўртача 150-160 минг олади. Фелдшерлар эса 190-230 мингдан ортиқ.Шунингдек, вилоят Соғлиқни сақлаш вазирлиги раҳбарияти шифокорларни одамлар ҳаётини сақлаб қолишда давом этиш учун ишга қайтишга чақирган.Аманбек Дўсжонов, Вилоят тез тиббий ёрдам станцияси директори
Гап фақат пулда эмас. Мамлакатда энг кам маошни айнан Тез тиббий ёрдам ходимлари олади. Бу қайта кўриб чиқилиши керак. Бизнинг барча талабларимиз бир неча бор шаҳар ва вилоят даражасида муҳокама қилинган, хатлар ёзилган. Бизга ваъдалар берилмоқда лекин ҳамма қарорлар қоғоздагина қолиб кетмоқда. Сменада 25 та тез тиббий ёрдам машинаси бўлиши керак, ҳозир эса 12 тадан кўп эмас. Қоидага кўра иккита фелдшер, битта шифокор ва ҳайдовчи ишлаши керак. Аслида эса бригадада аҳвол бошқача. Ҳар бир фелдшерга сменада 24-30 чақирув тўғри келяпти. Икки карра босимда ишлашга эса ҳеч ким ортиқча пул тўламайди. Бу биз учун жуда оғир иш.Иш ташловчиларнинг сўзларига кўра, 200 мингдан ортиқ аҳоли истиқомат қилувчи Оқтау шаҳрида бор-йўғи бештагина тез ёрдам машинаси мавжуд. Уларнинг таъкидлашича, ҳозирда станция мумкин бўлган барча имкониятларни ишга солган ҳолда экстремал вазиятдан чиқиб кетмоқда.Турар Сатқанбоев, фелдшер
Айни пайтда вилоят соғлиқни сақлаш идораларида ходимларнинг барча талабларини бажариш имконияти йўқ. Ходимлар билан музокаралар давом этмоқда. Одамлардан инсонпарварлик ва сабр-тоқат кўрсатиш сўралади.Эслатиб ўтамиз, вилоят тез тиббий ёрдам ва тез тиббий ёрдам станцияси ҳайдовчилари ва фелдшерлари 11 сентябрдан бери ишга келмаган.Умид қиламанки, намойишчилар тушунади, бутун умрини ўз ишига бағишлаган, шу лавозимда ўқиган фелдшерлар бунчалик ғайриинсоний бўлиб, аҳолига ёрдам кўрсатишни тўхтатган бўлиши мумкин эмас.
Аманбек Дўсжанов, Манғистов вилояти тез тиббий ёрдам станцияси директори
Изоҳ (0)