Келгуси йилда дунё бутун сайёра аҳолисини тўйдириш учун озиқ-овқат етишмайдиган вазиятга дуч келиши мумкин. Бу ҳақда БМТнинг Жаҳон озиқ-овқат дастурининг Яқин Шарқ ва Шимолий Африка бўйича минтақавий директори Корин Флейшерга таяниб «ТАСС» хабар бермоқда.
Бу йил қишлоқ хўжалиги маҳсулотлари нархи ошиши сабабли озиқ-овқат сотиб ололмаслик муаммоси пайдо бўлди, бироқ келгуси йилда биз бутун сайёрамиз аҳолисини озиқ-овқат билан таъминлай олмайдиган вазиятга тушиб қолишимиз ҳам мумкин, — деди у.
Ушбу вазиятнинг асосий сабаблари орасида у Украина атрофидаги вазиятни, Россия ўғитлари экспортининг пасайиши ва бир вақтнинг ўзида ушбу турдаги маҳсулот нархининг ошишини таъкидлади, бу эса фермерлар фаолиятига тўсқинлик қилиши мумкин.
У, шунингдек, Покистондаги сув тошқини, Хитой ва Европадаги қурғоқчилик каби экстремал об-ҳаво ҳодисалари глобал озиқ-овқат таъминотига салбий таъсир кўрсатиши мумкинлигини таъкидлади.
Бундан ташқари, Флейшер озиқ-овқат инқирози масаласи келаси йили Япония ассоциацияга раислик қиладиган G7 саммитининг асосий кун тартибига киритилиши кераклигини таъкидлади.
Аввалроқ валюталарнинг заифлиги туфайли дунёда озиқ-овқат нархи ошиб бораётгани ҳақида хабар берилганди.
Изоҳ (0)