Нефть нархи урушдан бери илк бор 90 доллардан пасайди

7 сентябрь оқшомида Лондоннинг ICE биржасида Brent маркали нефть нархи бир баррель учун 89 доллардан пастлади. 

Бу 3 февралдан бери биринчи марта содир бўлди. АҚШнинг WTI маркаси 25 январдан бери биринчи марта баррелига 85 доллардан пастга тушди.

Тошкент вақти билан 18:35 ҳолатига кўра Brent 4,21 фоизга тушиб, бир баррель учун 88,92 долларгача арзонлади. 

2022 йил октябрь ойида етказиб бериладиган WTI нефтининг фьючерслари 3,97 фоизга пасайиб, бир баррель учун 83,43 долларга тушди.

Охирги марта Brent маркали нефть нархининг сезиларли даражада пасайиши 1 сентябрда қайд этилган эди. Кейин бир кун ичида у тахминан 4 фоиз нархини йўқотди. 

ICE биржасида ноябрь фьючерслари нархи 17 августдан бери биринчи марта бир баррель учун 91,95 долларгача арзонлашди.

Август ойи бошида нефть нархи етказиб беришнинг қисқариши мумкинлиги фонида кўтарилди. Бу ОПЕК+ ишлаб чиқариш ҳажмининг қисқариши мумкинлиги ҳақидаги хабарлардан кейин содир бўлди.

Аввалроқ Саудия Арабистони октябрда Осиё учун нефть нархини пасайтирмоқчи эканлиги ҳақида хабар берилган эди.