«Локомотив» клуби ва жамоа сардори Кахи Махарадзе келишилган ўйинларда иштирок этгани иддао қилинган хабар келиб тушди, дея ёзади «Championat.asia» нашри.
Футбол соҳасидаги барча ташкилот ва шахсларнинг почтасига бир хат келиб тушган.
Ўзини букмекерлик компанияси инспектори деб таништирган шахс «Локомотив» клуби футболчиларининг келишилган ўйинларда қатнашганини иддао қилган. Ушбу хатда «Локомотив» футболчиси Кахи Махарадзенинг келишилган ўйинларда қатнашгани борасидаги далиллар қўшимча қилинган. Хатда қуйидагилар ёзилган:
«Мен Осиёдаги букмекерлик компаниясининг расмий ўйинлар инспекториман. Компаниямиз текширувларидан сўнг, ўзбек футболидаги энг катта муаммони аниқладим («Локомотив» клуби келишилган ўйинларда қатнашган). Бу 100% аниқ маълумот.
Биз ушбу ҳолат бўйича барча далилларни оламиз. Марҳамат текширинг:
1. 10 август, 2022 йил. ‘ОКМК’—‘Локомотив’ учрашуви.
2. 17 июнь, 2022 йил. ‘Локомотив’—‘Сўғдиёна’ учрашуви.
3. Пул тикилаётган вазият суратлари.
4. Ўйинчининг пул тикаётган видеоси.
5. Барча қатнашувчиларнинг видео ёзувлари.
100% муаммо «Локомотив» клубида. Ўйинчилар ва ўртакашлардан олинган сўровлар натижасида ҳар бир клубдан бештадан ўйинчи келишилган ўйинларда қатнашгани маълум бўлади. Биз сўнгги текширувлардан сўнг ушбу ҳолатдаги барча транзаксион ёзувлар, гуруҳдаги ёзувлар, суратлар, ўйинчилар қанча миқдорда пул тикканлари ҳақидаги маълумотларни олишга муваффақ бўлдик. Бундан ташқари ўша келишилган ўйинлар пайти юз берган ғайритабиий пул тикишларни ҳам аниқладик. Ғайритабиий пул тикишлар аниқланганда букмекерлик компаниялари ушбу ўйинни блоклайди ва пул тикаётганларни жиддий огоҳлантиради.
Биз бунданда кўпроқ далилларни ФИФА учун тўплаймиз. Бундан ташқари, Ўзбекистон ҳукумати, амалдорлар, журналистлар, полиция, ўйинчилар, клуб президентлари ва мураббийларни ушбу ҳолатни ўрганишга чақириб қоламиз. Бизнинг компания бу ҳолатни бутун дунёга намойиш қилади. Биз Ўзбекистон ҳукуматига ҳам бу хатни жўнатамиз», дейилади хатда.
Шу билан бирга, хат муаллифи ҳақиқатан ҳам келишилган ўйин бўлганини исботловчи бир неча суратларни далил сифатида жўнатган:
1-сурат. Ушбу скриншотда Кахи Махарадзени икки киши билан видеоқўнғироқ орқали суҳбатлашаётганини кўришингиз мумкин:
2-сурат. Суратда «Локомотив»—«Сўғдиёна» ўйинига пул тикиш жараёни. (пастда)
А: Жуда ифлос.
А: Жин урсин.
Б: ??
Б: Ишлаймизми? Йўқми?
Б: Дўстим.
Б: Агар ишласак ишлаймиз де, акс ҳолда гапни чўзма.
Б: Мен йигитларга сигнал беришим керак.
3-сурат. Юқоридаги суҳбатнинг давоми (пастда)
А: Кутиб тур, мен пул тикяпман.
Б: ??? Ишлаймизми?
А: Ҳа, ишлаймиз.
Б: Ок.
А: Сигналимни кут.
Б: Ҳа смс орқали сигнал бер.
Б: Дўстим, тезроқ бўлақол. Ҳозир у эрда танаффус бўлади. Мен унга смс юборишим керак, у бу смсни кўради ва ишга киришади.
А: Ок.
Б: Ишлаймиз-а?
4-сурат. Бу суратда ТОНИ, Какҳи- ва Э К номли қаҳрамонларнинг ўз гуруҳларидаги суҳбати акс этган.
Какҳи: Овозли хабар.
Э К: Дўстим, улар саккиз дақиқадан сўнг ишлашни бошлади. Ҳозир барча ўйинчилар жазавага тушган ва сардор Кахидан пул сўрамоқда. Шу билан бирга улар бутун мавсум ишламоқчи. Сабаби, клубда пул бор.
ТОНИ: Дўстим, бу ердаги ўйинчилар мендан пул сўрамоқда. Уларга нима деб жавоб берай?
Шунингдек, журналист Нодирхўжа Йўлдошев ҳам ушбу вазиятга ўз муносабатини билдирган:
«Бу ерда бутун бир тўда ишлаган. 19 киши. Тони Е. Кга JENIA, яъни Женя деб мурожаат қиляпти. Женя бу Евгенийнинг қисқартирмаси.
Демак, Евгений К … Одатда рус фамилиялари ОВ ёки ЕВ билан тугайди. Бу Евгений К…ЭВ ёки Евгений К…ОВ. ДХХ, ИИБ айнан шу нуқталар кимлигини, Каха орқали икки дақиқада аниқлаб олади, деб ўйлайман. Булар тўлиқ мавсум ишламоқчи бўлган экан. Энди тушундим, ноябрда энди 19 ёшни қарши оладиган Али Абдураҳмон «Қўқон-1912»га қарши ўйинда жамоасига пенальти ишлаб бериб, кетидан «Металлург»га гол урганидан кейин кўп ўтмай йигирматалик қайдномага ҳам киритилмай қўйганди. Афтидан у тўданинг режаларини билмай бузиб қўя бошлаган ва уни осонгина рўйхатдан чиқариб қўя қолишган.
«Ставкалар» ҳали аниқланмаган, Каха Ўзбекистондаги энг зўр легионерлардан бири эди. Агар айбдор бўлса албатта жавоб бериши керак.
Ўзбек футболини ҳар қандай ифлосгарчиликдан тозалайдиган пайт келди. Тотализатор-у, келишилган ўйинларни ташкил қиладиган мураббий ва ҳакамларни ҳам. Ё бугун, ё ҳеч қачон!».
Изоҳ (0)