«Германия декабрда Россия газидан бутунлай воз кечади» — Шольц

Германия канцлери Олаф Шольц мамлакат 2022 йилнинг декабрида Россия газидан бутунлай воз кечиши ҳақида маълум қилди, деб ёзади «Коммерсантъ».

Германия канцлери Россияни ишончли энергия таъминотчиси эмас, деб ҳисоблайди. Унинг сўзларига кўра, Москва «етказиб бериш бўйича шартнома мажбуриятларини бажармаяпти».

Шольц германияликларга «бу қишдан омон чиқиши»ни ваъда қилди. Канцлер инфляция ортиб бораётгани сабабли Германия фуқароларига 65 миллиард евро миқдорида молиявий ёрдам кўрсатиш ҳақида эълон қилган.

Россия «Шимолий оқим 1» қувури орқали газ етказиб беришни тўхтатганига қарамай, 4 сентябрь ҳолатига кўра, Германия газ омборлари 85 фоизга тўлдирилган.