АОКАда ўтказилган брифингда Инвестициялар ва ташқи савдо вазирлиги бошқарма бошлиғи ўринбосари Дадахон Жуманиёзов Ўзбекистон президентининг тадбиркорлар билан «Очиқ мулоқот»и якунлари бўйича маълумот берди.
Бу йил «Очиқ мулоқот» тадбирига тайёргарлик мутлақо янгича тизим асосида олиб борилди.
Хусусан, жорий йилнинг 17–18 август кунлари «Тадбиркорлар билан мулоқот ҳафталиги» доирасида 9 та мавзуда панел сессияси бўлиб ўтди.
Мазкур тадбир доирасида 2 кун давомида жами 3 500 дан ортиқ тадбиркор, шундан марказий студиядан 1 300 га яқин ва ҳудудий студияларидан 2 250 га яқин тадбиркор иштироки таъминланди.
Натижада, тадбиркорларнинг 531 таси ўз муаммо ва таклифларини билдирди. Уларнинг 255 та индивидуал характерга эга бўлган муаммоли масала, 76 та тизимли муаммо, 50 та таклиф эшитилди. Шунингдек ҳудудлардан иштирок этган 37 та тадбиркор ҳам муаммо ва таклифларни айтиб ўтди.
Изоҳ (0)