Президент Шавкат Мирзиёев бугун. 22 август куни тадбиркорлар билан очиқ мулоқот ўтказди. Шавкат Мирзиёев мулоқотда 5 та йўналиш бўйича ташаббусларни билдирди.
«Дарё» мухбири мазкур очиқ мулоқот юзасидан Наманган металлургия заводи бош директори Гулбаҳор Тожимирзаевадан изоҳ олди.
Ўзим илгари чет элда яшаганман. Четдан туриб ҳам президентнинг тадбиркорлар билан мулоқотини кузатиб борар эдим. Бу мулоқот тадбиркорлар учун жуда ҳам катта имкониятлар яратади. Чунки тадбиркорларни ҳар қандай соҳада фаолият олиб боришида турли хил муаммоларга дуч келади. Давлат раҳбари тадбиркорларнинг дардини эшитиб, улар билан биргаликда муаммоларни ҳал қилишга киришилса ўйлайманки ҳар қандай тадбиркорлар бундан руҳланади. Бирор ишга қўл урган инсон кимдандир бирор ёрдам ёки кўмак олишни хоҳлайди. Шу боис мен ўйлайманки, бугунги учрашувимиз муваффақиятли бўлади.Шахсан ўзимга келадиган бўлсак қарийб 15 йил Хитойда яшаб келаётган эдим. Давлатимизда бўлаётган мана шундай катта имкониятлар, ислоҳотлар туфайли Ўзбекистонга қайтиб келишга қарор қилдим. Бу биз ёшлар учун катта рўл ўйнайди. Ҳозирги кунда 100 миллион долларлик янги лойиҳани амалга оширишни режалаштирганмиз.
Бундан 5-6 йил аввал конвертация масаласида муаммолар бор эди. Биз бирор маҳсулот сотиб олмоқчи ёки бирор корхонани ишга туширмоқчи бўлсак валютани чет элга чиқаришнинг ўзи муаммо эди. Ҳозирда эса бу нарса ҳақида ўйлаймайди тадбиркор. Қўшни давлатларимизга саёҳат қилиб, уларни ўргандим, бу муаммо уларда ҳамон мавжуд. Яна бир масала — таълимга катта эътибор бериляпти. Ёшларимиз ҳозирги кунда жуда ҳам кўп грантлар орқали чет элга бориб, бепул таълимда ўқиш имкониятини қўлга киритишди. Бунақа имконият ёшлигимизда йўқ эди. 6 йил ичида Ўзбекистонда катта ўзгаришлар бўлганини кўряпман.
Наманган металлургия заводи бош директори Гулбаҳор Тожимирзаева
Изоҳ (0)