Хитойда нефть ва табиий газ қазиб олиш жорий йилнинг дастлабки етти ойида рекорд даражага етди, бу эса мамлакат иқтисодиётини яхшилаш ва халқнинг турмуш эҳтиёжларини қондириш имконини берди. Бу ҳақда Sinxua хабар бермоқда.
Ҳисобот даврида хом нефть қазиб олиш ўтган йилнинг шу даврига нисбатан 3,7 фоизга ошиб, 120 млн тоннани, табиий газ қазиб олиш ҳажми эса 5,4 фоизга ошиб, 126,7 млрд куб метрни ташкил қилди.
Ушбу даврда сланец нефтини қазиб олиш, шунингдек, денгиз зоналарида хом нефть ва табиий газ қазиб олиш 2021 йилнинг шу даврига нисбатан мос равишда 14,4 фоиз, 7,9 фоиз ва 13,6 фоизга ошган.
Маълумотларга кўра, жорий йилнинг 7 ойида Хитойнинг хом нефть импорти 290 млн тоннага етган бўлса, табиий газ импорти эса қарийб 86,5 млрд куб метрга етган.
Аввалроқ нефть нархи олти ойлик энг паст даражага тушгани ҳақида хабар берилганди.
Изоҳ (0)