Тошкент шаҳрида дорилар савдоси билан ноқонуний шуғулланиб келган жиноий гуруҳ аниқланди. Бу ҳақда шаҳар ички ишлар бош бошқармаси ахборот хизмати «Дарё»га маълум қилди.
Олиб борилган тезкор тадбирлар давомида Мирзо Улуғбек туманида Ш. исми шахс бошқарувидаги Epica текширилган. Шунда йўловчининг ёнидан 5 дона «Тропикамид» ва 28 дона «Регапен» кучли таъсир қилувчи дорилар олиб юргани аниқланган. Шунингдек, автомобиль саволидан 21 дона «Тропикамид» ва 25 дона «Регапен» топилган.
Шундан сўнг улар укаси орқали ўз қилмишини яширишга ҳаракат қилган. Жиноят иши қўзғатилмаслиги учун ички ишлар ходимига 5000 доллар пора таклиф қилинган. Ўтказилган тадбир давомида гумонланувчининг укаси 4 миллион сўм ва қимматбаҳо соатни ички ишлар ходимига пора сифатида бераётган вақтида ашёвий далиллар билан ушланди. Гумонланувчиларнинг яқинига нисбатан пора бергани учун жиноят иши қўзғатилди.
Суриштирувлар давомида ушбу шахсларнинг жиноий шериклари ҳам топилди. Улар кўп миқдорда кучли таъсир қилувчи дори воситаларини олиб келиб тарқатиш билан шуғуллангани маълум бўлди. Тезкор қидирув тадбирлари давомида ушланган жиноий гуруҳ аъзоларидан 1094 дона «Тропикамид», 447 дона «Регапен» ва 0,01 грамм синтетик гиёҳвандлик воситлалари олинди. Далилий ашёлар ўрганиш учун экспертизага топширилди.
Изоҳ (0)