Адлия вазирлигининг юридик техникумларига 2022/2023-ўқув йили учун кириш тест синовлари 25 август куни стадион ва хиёбонларда ўтказилиши режалаштирилмоқда. Бу ҳақда вазирликнинг «Ҳуқуқий ахборот» Telegram каналида хабар берилди.
Таъкидланишича, ҳужжатларни қабул қилиш 20 августгача (шу куни ҳам) бўлиб ўтади. Ўқишга кириш учун ҳужжатлар Ягона интерактив давлат хизматлари портали (my.gov.uz) ёки ДТМнинг расмий веб-сайти (my.dtm.uz) орқали онлайн қабул қилинади.
Аввалроқ Президент таълим муассасалари агентлиги тизимидаги ихтисослаштирилган мактабларга кириш имтиҳонлари натижалари эълон қилингани ҳақида хабар берилганди.
Изоҳ (0)