Россия президенти «эркаклар ичади ва ичишда давом этади» деган далилларни примитив деб атади. Бу ҳақда «Коммерсантъ» нашри хабар бермоқда.
Унинг ишончи комилки, алкоголизмга қарши курашда ҳеч нарса тақиқланмаслиги ва спиртли ичимликлар нархи кўтарилиши керак. Президентнинг фикрича, муаммони ҳал қилиш учун соғлом турмуш тарзи тарғиб қилиниши зарур.
Путин бу мавзуни Владимир вилояти губернатори вазифасини бажарувчи Александр Авдеев билан онлайн тарзда ўтказилган учрашувда муҳокама қилди. Президент вилоятда 2021 йилда алкоголизм ва «алкоголли психоз» билан касалланиш даражаси ҳар 100 минг фуқарога 122,6 ҳолатни ташкил этганига эътибор қаратди. Унинг сўзларига кўра, бу мамлакатдаги умумий кўрсаткичдан 2,6 баробар кўп.
Владимир Путин моношаҳарларда қашшоқлик ва ичкиликбозлик даражаси ошиб бораётганини қайд этган. «Росстат» маълумотларига кўра, 2022 йилнинг биринчи чорагида Россия фуқароларининг 14,3 фоизи (21 миллиондан ортиқ) қашшоқлик даражасига тушиб қолган.
Мавзуга доир: Путин Совет Иттифоқи даврида асос солинган «Қаҳрамон она» унвонини тиклади
Изоҳ (0)