Фарғонада мустақиллик байрами муносабати билан 19 нафар эҳтиёжманд боланинг суннат тўйи ўтказилди. Бу ҳақда «Дарё» мухбири Азизжон Эрматов хабар берди.
Таъкидланишича, Фарғона туманидаги «Миндон» тантаналар мажмуасида ўтказилган тантанада эҳтиёжманд ва «Аёллар дафтари»га киритилган оилаларнинг 19 нафар фарзандига суннат тўйи ўтказиб берилган.
Туман кенгаши депутати ҳомийлигида жамоат ташкилотлари билан ҳамкорликда ўтказилган тўйда Фарғона вилояти ҳокими Хайрулло Бозоров, маҳалла фаоллари, болаларнинг ота-оналари, яқин қариндошлари ҳамда дўстлари иштирок этган. Шунингдек, тўйда эҳтиёжманд оилаларнинг 200 нафардан ортиқ фарзандлари меҳмон бўлган.
Тўйда болаларга сарполар кийдирилиб, ҳомий ташкилотларнинг велосипед ва бошқа қимматбаҳо совғалари топширилган. Шунингдек, тўй болаларнинг номига банкда омонат дафтарчалари очилиб, тўёна маблағи ўтказилган.
Изоҳ (0)