Тошкент вилояти божхона бошқармаси «Навоий» чегара божхона пости ходимлари 54 минг долларни ноқонуний равишда олиб чиқиб кетмоқчи бўлган шахсларни тўхтатиб қолди.
Вилоят ҳокимлиги матбуот хизмати хабарида айтилишича, божхона постидан ўтаётган фуқаролар текширилганда уларнинг бири 18 минг долларни нон орасига яширгани, яна бири 18 минг долларни фуқаро кийимлари ичига ўраб яширилгани, учинчи фуқаро эса шунча миқдордаги валютани эгинидаги шимининг чап чўнтагида ва қорин қисмига камар билан қистирилган ҳолда яширгани аниқланган. Бу пуллар божхона декларациясида ёзиб кўрсатилмаган ҳамда оғзаки сўровда маълум қилмаган.
Ушбу фуқаролар умумий қиймати 54 минг долларга тенг бўлган чет эл валютасини бошқа бир фуқародан Ўзбекистондан қўшни давлатга маълум бир ҳақ эвазига олиб ўтаётганини маълум қилган.
Ҳозирда мазкур ҳолатлар юзасидан божхона органлари томонидан суриштирув ҳаракатлари давом эттирилмоқда.
Изоҳ (0)