Тошкентдаги мактабларнинг бирида мактаб формаси сотиб олиниши шартлиги бўйича прокуратура ходимлари тилхат ёздиргани ҳақида хабар ижтимоий тармоқларда тарқалганди. Бош прокуратура матбуот хизмати мазкур хабар юзасидан ишчи гуруҳнинг ўрганиш натижаларини эълон қилди.
Ўрганишда Чилонзор туманидаги мактабларнинг бирида форма сотиб олиш бўйича прокуратура органлари томонидан ҳеч қандай тавсия берилмагани ва тилхат олинмагани, аслида бу мактаб директорининг шахсий ташаббуси экани, бироқ бу жараёнга ёлғондан прокуратурани аралаштиргани аниқланган.
Келгусида бундай ҳолатларга йўл қўйилмаслик ҳақида мактаб директори расман огоҳлантирилган.
Маълумот учун, 27 июль куни АОКАда ўтказилган брифингда халқ таълими вазири Бахтиёр Саидов ягона мактаб формаси 2025 йилга қадар босқичма-босқич жорий этилиши, яъни янги ўқув йили — 2022 йил сентябрдан бошлаб ота-оналар ягона мактаб формасини харид қилишга мажбурий талаб қўйилмаслигини айтганди.
Изоҳ (0)