Тошкент вилоятининг Тошкент тумани ИИБ ходимлари томонидан ўтказилган тезкор тадбир давомида психотроп дори воситалари савдоси билан шуғулланувчи эр-хотин ушланди.

Вилоят ИИББ матбуот хизмати хабарига кўра, 34 ёшли М.А. ва 32 ёшдаги Қ.А. (шаръий никоҳдаги эр-хотинлар) шартли харидорга 70 дона «Регапен» кучли таъсир қилувчи дори воситасини 100 доллар ва 1 миллион сўм эвазига сотаётган вақтида далилий ашё билан ушланган.

Бундан ташқари, уларнинг ёни ва автомашинасидан қора бозордаги нархи 20 миллионга тенг бўлган жами 734 дона «Регапен», бир дона «Целлофан» ва купюрага ўралган гиёҳванд моддага ўхшаш модда далилий ашё сифатида олинган.