Собиқ совет республикаси Давлат хавфсизлик қўмитаси (СССР КГБ)нинг сўнгги раиси Вадим Бакатин 85 ёшида вафот этди, деб хабар бермоқда «РИА Новости».
«Вадим Бакатин вафот этди», — дея маълум қилган нашр манбаси, аммо тафсилотларни келтирмаган. У 84 ёшда эди.
Вадим Бакатин 1937 йил 6 ноябрда Новосибирск вилояти Киселевск шаҳрида туғилган. У Новосибирск муҳандислик-қурилиш институтини тамомлаган ва 1973 йилда партия ишига ўтгунга қадар қурилиш соҳасида ишлаган. У Киров, сўнгра Коммунистик партиянинг Кемерово вилоят қўмитаси биринчи котиби, партия Марказий қўмитасининг аъзоси, 1988 йилда эса ички ишлар вазири этиб тайинланган. 1991 йилда у Россия Совет федератив социалистик республикаси (РСФСР) президентлигига номзод бўлган ва олти нафар номзод орасида охирги ўринни эгаллаган.
1991 йил августдаги давлат тўнтаришидан кейин у СССР КГБни бошқарган. Унинг қўл остида қўмита қайта ташкил этилди, бошқарма ташқи разведка ва давлат хавфсизлиги негизида тузилган бир қатор мустақил тузилмаларга бўлинди.
Изоҳ (0)