ЎФА биринчи вице-президенти, собиқ ҳакам Равшан Эрматов тез орада Россия футбол иттифоқи (РФИ) қошидаги Эксперт-ҳакамлар комиссиясининг доимий аъзосига айланади, дея хабар қилмоқда «Спорт-Экспресс».
РФИ комиссия аъзосига айланиши мумкин бўлган бир қатор машҳур собиқ ҳакамлар билан музокаралар олиб бормоқда. Улар орасида ўзбекистонлик собиқ ҳакам ҳам бор. Яқин орада Эрматов ташкилот аъзолигига қабул қилиниши кутилмоқда.
Равшан Эрматов 2019 йилда ҳакамлик фаолиятини якунлаган ва ЎФА биринчи вице-президенти этиб сайланганди. 2021 йилнинг сентябрь ойида Эрматов ЎФА вице-президентлигига қайта сайланганди.
Эрматов Жаҳон Чемпионатларида 11 та ўйинда иштирок этган ва бу борада мутлақ рекордчи ҳисобланади. Унинг яқин таъқибчиси Нестор Питана ҳисобида 9 та ўйин бор.
Мавзуга доир:
Изоҳ (0)