«Челси» ҳужумчиси Тимо Вернер ёзги трансфер ойнасида клубини ўзгартириши мумкин.
26 ёшли футболчи хизматлари «Реал»га таклиф этилган. Бироқ мадридликлар клубида захира ўйинчига айланиш варианти Вернерни қониқтирмаслиги масаласи келишувнинг амалга ошишига тўсқинлик қилиши кутилмоқда.
Германияликнинг трансфери 35 миллион еврога баҳоланмоқда.
Эл Ларгуэро хабарига кўра, «Реал» яқин орада Карим Бенземага ўринбосар форвард олиш ёки олмаслик ҳақида бир қарорга келади.
Карло Анчелотти мавсумолди йиғинлари доирасидаги ўйинларда Эден Азарни марказий ҳужумда синаб кўрмоқда.
Аввалроқ мадридликлар ҳужумчиси Лука Йович «Фиорентина»га йўл олганди. Борха Майоралнинг кетиши деярли аниқ бўлиб улгурган. Клуб Мариано Диас билан ҳам хайрлашиш истагида.
Изоҳ (0)