Миллий олимпия қўмитаси мажлислар залида 29 июль, жума куни Халқаро Кураш ассоциациясининг матбуот анжумани бўлиб ўтди.
Анжуманда Халқаро Кураш ассоциацияси президенти, Осиё Олимпия Кенгаши Осиё ўйинлари Бош директори Ҳайдар Фармон, Спортни ривожлантириш вазири Адҳам Икрамов, Миллий Олимпия қўмитаси вице–Президенти Шерзод Ташматов ва видеоконференц алоқа тизими орқали Ассоциация вице–президентлари ва ИКА таркибидаги миллий федерациялар раҳбарлари иштирок этди.
Ўзбек миллий курашининг ривожанишида Ўзбекистон президентининг ҳиссаси жуда катта. Шу боис бугун миллий кураш нафақат Ўзбекистоннинг, балки, халқаро спортчиларнинг ҳам севимли спорт турига айланди. Бунинг учун Ўзбекистон ҳукуматига, Ўзбекистон президентига миннатдорлик изҳор қиламиз. Келажакда миллий кураш билан боғлиқ барча янгиликларни ёритиб бориш мақсадида онлайн журнал ташкил қиламиз.ИКА президенти томонидан курашнинг халқаро майдондаги ривожи, ўтказилаётган нуфузли мусобақалар, қитъавий ўйинларда иштироки ва жорий йилда бўлиб ўтиши режалаштирилган қитъа ва Жаҳон Чемпионатлари ҳақида батафсил маълумот берилди.Ҳайдар Фармон, Халқаро Кураш ассоциацияси президенти
Жумладан, 03—07 август кунлари Жанубий Африка Республикаси кураш бўйича Африка чемпионати, 04—08 сентябрь кунлари Таиланднинг Чонбури шаҳрида ёшлар ўртасида Осиё чемпионати, 21—23 октябрь кунлари Туркиянинг Истанбул шаҳрида Европа чемпионати, 18—24 ноябрь кунлари Ҳиндистоннинг Мумбай шаҳрида Кураш бўйича катталар ўртасида Жаҳон Чемпионатлари бўлиб ўтади.
Изоҳ (0)