Ижтимоий тармоқларда икки нафар йигит икки аёлни тепиб, калтаклагани айтилган видеолавҳалар тарқалди. Самарқанд вилояти Ички ишлар бошқармаси ҳолатга муносабат билдирди.
Қайд этилишича, 21 июль куни Самарқанд тумани «Янгиариқ» МФЙ ҳудудида С.Р. (1980 йилда туғилган), А.Б. (1987 йилда туғилган) ҳамда И.Ш (1991 йилда туғилган) ва Й.И.лар ўртасида юзага келган келишмовчилик оқибатида ўзаро жанжал содир бўлган.
Жанжалда С.Р. ва А.Б. исмли фуқаролар И.Ш ва Й.И.ни уриб, уларга тан жароҳати етказишган.
Ҳодиса жойига туман ИИБ ходимлари чиқиб, ҳолат расмийлаштирилган. Ҳозирда Самарқанд тумани ИИБ томонидан терговга қадар текширув ҳаракатлари олиб борилмоқда.
Изоҳ (0)