АОКАда ўтказилган брифингда Бандлик ва меҳнат муносабатлари вазирлиги ахборот хизмати раҳбари Мавжуда Мирзаева 2022 йилнинг январь—июнь ойларида амалга оширилган ишлар тўғрисида маълумот берди.
Қайд этилишича, ўтган 6 ойда 14 мингта корхонада назорат тадбири ўтказилган. Унда 41 минг 150 та қонун бузилиш ҳолатлари аниқланган. 5 минг 935 мансабдор шахсга нисбатан 12 миллиард сўмдан ортиқ маъмурий жарима қўлланилган.
Қонун бузилишлар энг кўп халқ таълими тизимида (11 минг 916) қайд этилган. Шунингдек, тиббиёт ва мактабгача таълим ташкилотлари ҳам меҳнат қонунчилиги билан боғлиқ энг кўп муаммолар кузатилган.
Ўтган олти ойда 623 нафар ходим ноқонуний ишдан бўшатилгани сабабли ишга тикланган. 1 минг 584 нафар фуқароларнинг 8 миллиард сўмга яқин иш ҳақи ундириб берилган.
Мавзуга доир:
Изоҳ (0)