Андижонда кучли таъсир этувчи дори воситалари олди-сотдиси билан шуғулланиб келган фуқаро қўлга олинди. Бу ҳақда вилоят ички ишлар бошқармаси ахборот хизмати хабар берди.
Қайд этилишича, вилоят жиноят-қидирув бошқармаси гиёҳвандлик воситалари билан қонунга хилоф равишда муомала қилишга қарши курашиш бўлими ходимлари томонидан тезкор тадбирлар амалга оширилган. Ўтказилган тезкор тадбирлар натижасида Андижон туманида яшовчи муқаддам судланган, ноқонуний дори сотиш билан шуғулланувчи Й.Ш. шу туман ҳудудида ўзини шубҳали тутгани учун ёни кўздан кечирилганида қўлидаги сумкасида 560 дона «Регапен» кучли таъсир этувчи дори воситаси борлиги аниқланди.
Шунингдек, яшаш уйи кўздан кечирилганида 2240 дона «Регапен» кучли таъсир этувчи дори воситасини сотиш мақсадида сақлаётгани маълум бўлди. Тадбир давомида жами 2800 дона «Регапен» кучли таъсир этувчи дори воситалари далилий ашё сифатида олинган.
Мазкур ҳолат юзасидан Андижон тумани ИИБ ҳузуридаги тергов бўлинмаси томонидан тергов олди суриштирув ишлари олиб борилмоқда.
Изоҳ (0)