Самарқандда катта миқдорда кучли таъсир этувчи дори воситаларини сотган хориж фуқаролари қўлга олинди

Самарқанд вилояти ИИБ Хавфсиз туризмни таъминлаш бошқармаси, ИИБ ЖҚБ ҳамда департаментнинг вилоят бошқармаси ҳамкорлигида «Жўйсой» маҳалласида тезкор тадбир ўтказилди.

Тадбир давомида Жиззах вилояти Шароф Рашидов тумани «Ҳамид Олимжон» маҳалласида яшовчи 1993 йилда туғилган Д.Н., Самарқанд шаҳрида вақтинчалик истиқомат қилаётган Молдова фуқароси, П.I.га «МИДЕХ» (тропикамид) номли кучли таъсир этувчи дори воситаларини сотган вақтида ашёвий далиллар билан ушланган.

Тезкор тадбир давом эттирилиб, Самарқанд шаҳар «Намозгоҳ» МФЙда жойлашган дорихонада вояга етмаган шахс, ариза муаллифи Д.П.га 28 дона Галлара номли ва 5 (беш) елим ампуладаги МИДЕХ (тропикамид) номли кучли таъсир этувчи дори воситаларини сотган вақтида ашёвий далиллар билан ушланган.

Ушбу дорихона кўздан кечириш давомида, МЧЖ раҳбари, 1998 йилда туғилган, Нуробод тумани Олға қишлоғида яшовчи С.А. га тегишли бўлган 6698 дона «Галлара» номли дори воситалари, 87 дона «МИДЕХ» (тропикамид) номли ва 150 MYDRIMAX (тропикамид) номли дори воситалари келгусида сотиш мақсадида сақланиб келинаётгани аниқланиб, текшириб кўриш учун олинди.

Ҳозирда ҳолат юзасидан қўшимча суриштирув ва дастлабки тергов ҳаракатлари олиб борилмоқда.