Япония ўзининг энг қиммат табиий газ етказиб беришини сотиб олди. Бу ҳақда Bloomberg хабар бермоқда.
Бунга глобал энергия инқирози кучайиб бораётгани мамлакатда электр тўхтатилишининг янги хавфини келтириб чиқаргани сабаб бўлган.
Nippon Steyel компанияси сентябрь ойида етказиб бериш учун Япния тарихидаги энг қиммат миқдорда суюлтирилган газ сотиб олди.
Bloomberg ҳисоб-китобларига кўра, етказиб бериш нархи 135 млн доллардан ошади. Бу Япония электр энергияси таъминоти ва юқори талаб билан курашаётганлиги сабабли ўта юқори нархларда тўлашга мажбур бўлаётганини кўрсатади.
Европа Иттифоқи ва бошқа иттифоқчилар Украинадаги уруш туфайли Россия ёқилғисидан воз кечгани сабабли табиий газ учун рақобат тезлашди. Нефть ва кўмир нархлари аллақачон юқори даражага чиқиб улгурди.
Япония Савдо вазири Коичи Хагиуда АҚШ ва Австралияни газ экспортини кўпайтиришга чақирди, аммо буни ҳақиқий юкларга айлантириш учун вақт керак бўлади.
Япония ҳукумат томонидан юқори ёқилғи захираларини сақлаб қолиш ва электр қуввати тақчиллигининг олдини олиш бўйича олиб борилаётган ташаббуслар фонида бу йил дунёдаги энг йирик LNG (суюлтирилган газ) импортчиси бўлиши кутилмоқда.
Изоҳ (0)